धरान : हिबिस्कस इङ्लिस बोर्डिङ स्कुलद्वारा आयोजित हिबिस्कस क्विज मेनिया, सिजन–३ सुनसरी जिल्ला हाजिरी जवाफ प्रतियोगिताको शुक्रवार सम्पन्न क्वालिफाईड राउन्डबाट ६ वटा विद्यालय फाईनल प्रवेश गरेका छन् ।

फाईनलमा प्रवेश गरेका स्कुलहरूमा आयोजक हिबिस्कस, विष्णु मेमोरियल, महेन्द्र मावि वराहक्षेत्र, देउराली चिल्ड्रेन धरान–५, आरम्भ विद्या मन्दिर रामधुनी  र धरान मेघा हिमालयन स्कुल छन् ।

प्रतियोगिताको क्वालिफाइड राउन्डमा सुनसरीका ३६ वटा विद्यालय सहभागी थिए । संयोजक सुवास मोक्तानका अनुसार क्वालिफाईङ राउन्डमा ५० वटा वहुबैकल्पिक प्रश्नहरू सोधिएको बताए ।फाईनलमा जेनेरल राउन्ड, बजर, अडियो भिजुअल र ¥यापिड फायर गरी चार राउन्ड हुनेछ ।

स्कुलका सल्लाहकार  पवन झाले विद्यार्थीलाई लोकसेवा आयोगको तयारी गर्न सहयोगका लागि अध्ययन अध्यापनमा प्रोत्साहित गर्न क्विज मानिया आयोजन गरिएको बताए । म्यानेजिङ डाइरेक्टर गङ्गाराम राईले  फाईनल शनिवार हुने बताए ।

प्रतियोगितामा पहिलो हुने स्कुलले १५ हजार, रनिङ ट्रफी, मेडल प्राप्त गर्ने छ । दोस्रो र तेस्रोले १० हजार र ८ हजार नगद प्राप्त गर्नेछ । चौथो, पाचौ र छैटौँले ६ हजार, ४ हजार र २ हजार नगद प्राप्त गर्नेछ ।